idees de recette...

Beulbeul avait appris de sa mère quelques recettes qu'elle voulait transmettre. Elle déposa alors un livre, où chacun pourrait y déposer ses secrets.

En entrée

Gravé d'escrevisses

Mettez boulir vos escrevices, et quant elles seront cuites, soient eslites comme qui le vouldroit mengier, et ostez le mauvais dedans, puis aiez des amandes pelées et broyées, deffaites de purrée de poix coulée par l'estamine, et du pain harlé ou des chappelures trempés en purée, broyées et coulées par l'estamine, puis aiez gingembre, canelle, graine et clou : broyez, et tout mis en un pot, et un petit de vinaigre et boulu ensemble, puis drécié par escuelles, et soit mis dedens chascune escuelles les escrevisses frictes en huille et de l'autre poisson frit.

Plat

Pour la viande

Fromage de sanglier

Pour faire teste de sanglier, prenés la teste, quant elle se tire en ruyt, et la fendés et netoyés, et faictes boulir en vin et en vin aigre, et qu'elle soit comme toute pourrie de cuire, et puis la tirés hors du feu, et la mettés sur une table, ostés toute la chair des os et mettés la peau d'ung costé, et hallés la chair, et mettés espices dedens la chair, canelle batue, gingembre, menues espices foison, clou et noix muguette bien batue, et mettés tout ensemble; et puis prenés la peau et remettés la chair dedens, et mettés une pièce de toylle dedens comme ung couvrechief, et mettés pressé entre deux asses, et des pierres dessus pour bien presser, et le laissés tant qu'il soit froyt.

Les légumes

Orge mondée

Pour faire orge mondé, c'est à dire orge batu et espeaultré en ung mortier : et après qui sera bien nectoié, soit lavé et boulu treffort, comme froment à faire la fromentée. Et quand il sera cuyt, le broier au mortier, et le destramper de lait d'amandes, et le mettre boulir en ung beau pot net, et, se le malade veult du sucre dedens, y en soit mys, et soit gousté de sel, et ne soit guère salé. Et se voulés faire orge mondé entier, sans broyer, mettés du layt d'amandes qui soit assés espès, et mettés l'orge entier dedens.

Le dessert

Macarons

Prenez une livre d'amendes douces, pilez les soigneusement en un mortier de marbre, les arozant d'eau roze, ajoûtant une livre de sucre, batant bien le tout ensemble, & en faites un grand rondeau qui remplisse le plat, que vous métrez dans un four tiéde, cuire à feu lent, puis les réduire en morceaux, étant à demy cuits, vous les métrez recuire au four sur du papier blanc.

Bon appétit